舖市有幾大? 每月幾多成交? 平均每間舖值幾錢? 樓呢? 街舖/商場舖/樓上舖比例? 參考以下數字。 舖市有幾大? 記住: - 整體舖市交易，高峰時(2010/11/12) 每年有約四千宗，近年(2016/17/18/19)每年有約1400宗。每宗舖平均約1500萬成交，做個比較，樓就係約750萬，一半啦。即近年每個月，約有近20億商舖成交。最高峰時每月有超過50億。2020年今年，每個月只得6億。 今年真係跌咗好多。 - 今年(2020)我預期只得約1000單商舖成交。 - 下年，2021年，由於減了雙倍印花稅，成交量我估會比今年大升5成至一倍，我估會有近多達2000單商舖成交。約高峰期的一半啦。 - 近年成交當中，約3成是街舖，5成是商場舖，2成是樓上舖/地庫。 - 再當中約2成是內部轉讓/關連交易，8成是 market price 交易。 - Market price 計算，街舖平均每間約二三千萬，商場舖平均每間幾十至幾百萬，樓上舖/地庫平均都是約幾百萬。 拉勻 就是大約每間千五萬啦。 計計數，只計市場成交的街舖: (1) 靜市時，每工作天約有一兩單街舖市價成交 (通常我都睇過，還過價!) (2) 旺市時，每工作天約有兩三單街舖市價成交。 (3) 超超高峰最旺市時，每天約有四五單街舖市價成交。當中一兩單是摸貨.... 但現在沒有這支歌仔唱了😐 如果你有 join 我嘅 Private Chat List (whatsapp 90361143)，從你每天收到我的商舖成交資訊你會見到。 我只專注街舖的市值成交，其他真係睇唔曬😅 現在每100單街舖市場成交，我佔約5單左右 (買或沽)。 香港約有十萬間街舖的門面， 如果你有約港幣二三萬億，就可以買起全香港的街舖。 阿里巴巴市值就可以買起兩個全香港街舖😱😱 你每經過一百間街舖門面，其中一間就會在今年內轉手 (sold)。 其餘99間， 業主唔賣/只收租/養三代/等重建/叫價太貴/同錢作對 or whatever reason，總之就係無轉手啦! 1 out of 100 street shops, this is the market size per year! 舖市有幾大? 大約就是以上數字啦 😀 李根興 。。。。。 我剛開始成立個 Whatsapp Private Message List (Not group) 。如你想知道多些最貼市的商舖資訊及我個人分析，可以whatsapp我 (+852) 90361143，我可加你入 《李根興「堅堅流流」商舖資訊》 private message list。😀😀 好多嘢唔方便公開講。 李根興 Edwin www.edwinlee.com.hk #舖市有幾大，#商舖平均交易金額